1. მიზანი და ამოცანები

საქართველოს მე-14 ჩემპიონატი ინტელექტუალურ თამაშში “რა? სად? როდის?” (შემდგომში ჩემპიონატი) მიზნად ისახავს:
1) საქართველოში ინტელექტუალური თამაშების ფართოდ დანერგვას, შემდგომ განვითარებასა და პოპულარიზაციას;
2) ქვეყნის სტუდენტი-ახალგაზრდობის ინტელექტუალური დონისა და ერუდიციის ამაღლებას, მათ მომზადებას მოაზროვნეთა საერთაშორისო შეჯიბრებებისა და სატელევიზიო თამაშებისათვის;
3) საქართველოს მე-14 ჩემპიონატის გამარჯვებულისა და პრიზიორების გამოვლენას ინტელექტუალურ თამაშში “რა? სად? როდის?” (სპორტული ვერსია).

2. შეჯიბრების ხელმძღვანელობა, ჩატარების დრო და ადგილი

1) ჩემპიონატს ატარებს საქართველოს ინტლექტ–კლუბი “რა? სად? როდის?”;
2) შეჯიბრების ჩატარების დრო განისაზღვრება ჩემპიონატის საორგანიზაციო კომიტეტისა და კლუბის “რა? სად? როდის?” მიერ დადგენილ ვადებში;
3) ჩემპიონატის თამაშებს ემსახურება: წამყვანი, 4 სეკუნდანტი, სამდივნო 2 წევრის შემადგენლობით და სააპელაციო ჟიური 3 წევრის შემადგენლობით;
4) შეჯიბრება ტარდება “რა? სად? როდის?” კლუბების საერთაშორისო ასოციაციის ოფიციალური წესების შესაბამისად.

3. მონაწილე გუნდები

ჩემპიონატში მონაწილეობის უფლება აქვთ ჩემპიონატის საორგანიზაციო კომიტეტის მიერ მოწვეულ გუნდებს (იხ. დანართი).

4. გუნდების განაცხადის გაფორმება და საერთო პირობები

1) ჩემპიონატში მონაწილე ყველა გუნდის განაცხადი საორგანიზაციო კომიტეტში წარმოდგენილი უნდა იქნას შესარჩევი ტურის დაწყებამდე ერთი საათით ადრე;
2) განაცხადში შეიძლება შეტანილი იქნას 9 მოთამაშის გვარი;
3) ჩემპიონატზე ერთ მოთამაშეს შეუძლია ითამაშოს მხოლოდ ერთ გუნდში. ჩემპიონატის განმავლობაში გუნდიდან გუნდში გადასვლა დაუშვებელია;
4) თამაშის დროს გუნდში მოთამაშეთა მაქსიმალური რაოდენობა უდრის 6-ს. გამონაკლისი არ დაიშვება.

5. ჩემპიონატის ჩატარების სისტემა და პირობები

1) ჩემპიონატი შეიცავს ორ ეტაპს: შესარჩევი ტურნირი და ფინალი;
2) შესარჩევ ტურნირში მონაწილეობას მიიღებს 50 გუნდი, რომლებიც დაიყოფიან ორ ჯგუფად: B ჯგუფში (27 გუნდი) ითამაშებენ თბილისის გუნდები, A ჯგუფში (27 გუნდი) – ყველა სხვა რეგიონისა და ქალაქის გუნდები;
3) შესარჩევ ტურნირში დასმული იქნება 36 შეკითხვა (ცალ-ცალკე A და B ჯგუფებისათვის);
4) შესარჩევი ტურნირის საფუძველზე გამოვლინდება 10-10 უძლიერესი გუნდი თითოეული ჯგუფიდან (სულ 20), რომლებიც მონაწილეობას მიიღებენ ფინალურ თამაშში;
5) პირდაპირ ფინალში (შესარჩევ ტურნირში მონაწილეობის გარეშე) დაშვებულია საქართველოს 2007 წლის ჩემპიონატში I–V ადგილებზე გასული გუნდები (იხ. დანართი);
6) ფინალური თამაშის მონაწილეები პასუხს გასცემენ 40 ან 48 კითხვას. გუნდი, რომელიც სწორ პასუხს გასცემს ყველაზე მეტ შეკითხვას, ცხადდება ტურნირის გამარჯვებულად;
7) თუ გამარჯვებულია ორი ან მეტი გუნდი, მათ შორის გაიმართება სუპერფინალი, რომლის პირობებიც გამოცხადდება სუპერფინალის დაწყების წინ.

6. ქულების დარიცხვის წესი

1) ყოველ გუნდს ერთი სწორი პასუხისათვის ერიცხება ერთი ქულა;
2) შესარჩევი ტურნირის შემდეგ დგება ჩემპიონატის საერთო ცხრილი (ცალ-ცალკე A და B ჯგუფებისათვის), რომელშიც გუნდები დალაგდებიან დაგროვილი ქულების მიხედვით;
3) გუნდები, რომლებიც დაიკავებენ თითოეულ ცხრილში ადგილებს პირველიდან მეათეს ჩათვლით დაიშვებიან ფინალურ ტურში;
4) თუ ორი ან მეტი გუნდი მოაგროვებს ქულების თანაბარ რაოდენობას, მაშინ ითვლება რეიტინგი МАК-ის სისტემით, რომელიც დაადგენს თუ რომელმა გუნდმა უპასუხა უფრო ძნელ კითხვებს;
5) შესარჩევ ტურში დაგროვილი ქულების ტოლობის შემთხვევაში საერთო ცხრილში უფრო მაღლა დგას გუნდი, რომელსაც აქვს უფრო მაღალი რეიტინგი;
6) ფინალურ ტურს ყველა გუნდი იწყებს ნულიდან ანუ შესარჩევ ტურნირში დაგროვილი ქულების გარეშე;
7) ფინალურ ტურში დაგროვილი ქულების ტოლობის შემთხვევაში საერთო ცხრილში უფრო მაღლა დგას გუნდი, რომელსაც აქვს უფრო მაღალი რეიტინგი;
8) პუნქტი 7) არ ვრცელდება მხოლოდ იმ შემთხვევაზე, როცა პირველ ადგილს იყოფს 2 ან მეტი გუნდი. ამ შემთხვევაში ჩემპიონი ვლინდება სუპერფინალში;

7. პრიზები

1) ჩემპიონატის გამარჯვებულს და პრიზიორებს, აგრეთვე გამორჩეულ გუნდებს გადაეცემათ დიპლომები და სამახსოვრო პრიზები, რომლებიც შეძენილი იქნება გუნდების შენატანებით შეგროვილი და/ან სპონსორების მიერ გამოყოფილი თანხით;
2) ჩემპიონატის გამარჯვებულს (I ადგილის მფლობელს) უფლება ექნება (თავისი ხარჯით) გაემგზავროს “რა? სად? როდის?” (სპორტული ვერსია) მსოფლიო ჩემპიონატზე, რომელიც გაიმართება ა.წ. 18–21 სექტემბერს ქ.კალინინგრადში (რუსეთი). თუ ჩემპიონი უარს იტყვის მსოფლიო ჩემპიონატში მონაწილეობაზე, მის ადგილს დაიკავებს II პრიზიორი და ა.შ.

8. დისციპლინარული სასჯელი

1) მოთამაშეთა მინიმალური რაოდენობა, რომლითაც გუნდს აქვს უფლება მონაწილეობა მიიღოს შესარჩევ ტურნირში უდრის 4-ს;
2) ტურის დაწყების მომენტისათვის ადგილზე 3 ან ნაკლები მოთამაშის ყოლის შემთხვევაში გუნდი თამაშზე არ დაიშვება და მას ეთვლება 0 ქულა;
3) ფინალურ ტურში გუნდის შემადგენლობაში უნდა იყოს 5 ან 6 მოთამაშე, არასრული შემადგენლობით გუნდი ფინალურ თამაშზე არ დაიშვება;
4) წამყვანის, სეკუნდანტების, სამდივნოს, მაყურებლის ან სხვა გუნდების წევრების მიმართ უცენზურო ქმედების შემთხვევაში მოცემული მოთამაშე იხსნება ტურნირიდან, ხოლო გუნდი ჯარიმდება და მას ეწერება -5 ქულა.

9. ფინანსური საკითხები

1) ჩემპიონატში მონაწილეობის საორგანიზაციო გუნდური შესატანი შეადგენს 30 ლარს;
2) თუ ჩემპიონატის შესარჩევი ტურნირის დაწყებისათვის გუნდს საორგანიზაციო კომიტეტში არ ექნება შეტანილი შესატანი თანხა, მისი განაცხადი დასამტკიცებლად არ მიიღება და გუნდი ჩემპიონატზე არ დაიშვება.

10. აპელაციის მიღება

1) გუნდის კაპიტანს აქვს უფლება ტურის შედეგების გამოცხადებიდან 20 წუთის განმავლობაში შეიტანოს შევსებული აპელაციის ფორმა ჩემპიონატის სააპელაციო ჟიურიში;
2) შევსებულ აპელაციის ფორმას თან უნდა ერთვოდეს საგარანტიო შესატანი 10 ლარის ოდენობით;
3) თუ გუნდის მიერ შემოტანილი აპელაცია მომჩივანი გუნდის სასარგებლოდ გადაწყდა, მაშინ შემოტანილი საგარანტიო თანხა უბრუნდება უკან, წინააღმდეგ შემთხვევაში გადადის ჩემპიონატის ფონდში;
4) სააპელაციო ჟიურის (3 წევრი) შემადგენლობა გამოცხადდება ჩემპიონატის დაწყების წინ.



ჩემპიონატის საორგანიზაციო კომიტეტის თავმჯდომარე:
გიორგი მოსიძე

ჩემპიონატის გენერალური მდივანი:
თემურ ყანჩაველი, 899 68–84–85

სამდივნო:
მათე ჭითანავა
ნინო გოგინაშვილი

სეკუნდანტები:
ანი ჩხიკვაძე
ვაჟა გვარამია
ირაკლი ისაკაძე
დავით გორგილაძე
თამუნა ბიწაძე
თამუნა გოგატიშვილი